中文大學校長府第「漢園」冷清了五年，終於有番女主人了，皆因六十五歲的中大校長劉遵義，打算在六月退休前，跟張國榮外甥女、四十三歲的畢馬威會計師事務所合夥人麥嘉軒拉埋天窗。去年十二月十六日，兩人已遞交了擬結婚通知書，只要在十五日內無人反對，他們就可以在三月中之前成婚。

自從戀情曝光後，兩人名正言順走埋一齊，麥嘉軒亦做了「跟得夫人」，陪伴劉校長出席中大校友日、新亞書院院慶等大小場合，早前劉校長在漢園為科技大學校長陳繁昌搞歡迎會，麥嘉軒亦有出席，還幫手打點膳食安排。聽聞中大人對「準校長夫人」相當受落，覺得她又靚女又nice，還感染到劉校長都開朗咗，現在等緊兩人幾時請飲。

曾經滄海的劉遵義和麥嘉軒拍了拖一年，去年十月訂婚，十二月就排期註冊，唔知幾時請飲呢？

麥嘉軒陪劉遵義出席中大校友日，當劉校長上台致辭時，麥嘉軒更為他拍照，相當甜蜜。